बाँकेमा जिप दुर्घटना एकको मृत्यु, १५ घाइते

बाँकेको ढकेरीमा वुधवार विहान भएको जिप दुर्घटनामा परी एक जनको मृत्यु भएको छ । दुर्घटनामा अन्य १५ जना घाइते भएका छन् । कचनापुरबाट कोहलपुर तर्फ आँउदै गरेको भे १ ज ७९ नम्बरको जिप ढकेरीमा दुर्घटना हुँदा सर्लापिह भक्तिपुर-७, २९ वर्षीय शारदा कर्णको घटनास्थलमै मृत्यु भएको ईलाका प्रहरी कार्यलय कोहलपुरले जनाएको छ।

घाइते १५ मध्ये ३ जनाको अवस्था गम्भीर रहेको प्रहरीले जनाएको छ। घाइतेहरुको नेपालगञ्ज मेडिकल कलेज शिक्षण अस्पताल कोहलपुरमा उपचार भइरहेको प्रहरीले जनाएको छ ।